Мядзведзеў падпісаў Мытны кодэкс Мытнага саюза

03.06.2010 11:07
Редакция

Прэзідэнт Расіі Дзмітрый Мядзведзеў трэцяга чэрвеня падпісаў федэральны закон "Аб ратыфікацыі дамовы аб Мытным кодэксе мытнага саюза". Як паведамілі ў прэс-службе расійскага лідара, мэтай дагавора з'яўляецца забеспячэнне мытнага рэгулявання на адзінай мытнай тэрыторыі Мытнага саюза.

«Падпісанне дамовы было абумоўлена неабходнасцю фарміравання прававой базы мытнага саюза ў рамках ЕўрАзЭС з улікам паглыблення інтэграцыі паміж Расійскай Федэрацыяй, Рэспублікай Беларусь і Рэспублікай Казахстан», — заявілі з гэтай нагоды ў Крамлі.

Акрамя гэтага, трэцяга чэрвеня Дзмітрый Мядзведзеў падпісаў федэральны закон «Аб ратыфікацыі пратаколу аб унясенні зменаў і дапаўненняў у дамову аб Мытным кодэксе мытнага саюза ад 27 лістапада 2009 года», якая прадугледжвае ўнясенне зменаў у 152 артыкулы Мытнага кодэкса мытнага саюза.

Як распавялі ў прэс-службе прэзідэнта Расіі, дадзеныя змены накіраваныя:

на паляпшэнне ўмоваў працы удзельнікаў знешнеэканамічнай дзейнасці, у прыватнасці на зніжэнне да 150 тысяч еўра сумы забеспячэння, якое прадстаўляецца ўпаўнаважаным эканамічным аператарам, калі такі аператар ажыццяўляе дзейнасць па вытворчасці тавараў і (або) экспартуе тавары і адпавядае крытэрам, вызначаным Камісіяй мытнага саюза;

на ўсталяванне магчымасці вызначэння абласцей рызыкі, адчувальных для ўсіх дзяржаў-членаў мытнага саюза;

на абарону рынку ад нядобрасумленнай канкурэнцыі шляхам пашырэння пераліку ўмоўна выпушчаных тавараў;

на спрашчэнне экспарту тавараў высокай ступені перапрацоўкі, у прыватнасці на скарачэнне да чатырох гадзін тэрміну выпуску тавараў, якія не абкладаюцца вывазнымі мытнымі пошлінамі, патрапляюць пад мытныя працэдуры экспарту і часовага вывазу, а таксама на ўстанаўленне закрытага скарочанага пераліку дакументаў пры мытным дэклараванні такіх тавараў.

Как вам новость?
Головоломки

Для обеспечения удобства пользователей сайта используются cookies